Dua Lipa ka njoftuar se nuk do të performojë në iHeartRadio KIIS FM Jingle Ball. Lajmin e hidhur për fansat e saj, këngëtarja e bëri të ditur me anë të një postimi të publikuar në Instagram Story, ku u shpreh se ishte diagnostikuar me laringit dhe sipas rekomandimeve të mjekut nuk mund të performonte.
Festivali i mbushur me yje do të vazhdojë të zhvillohet në qytetin e Nju Jorkut të premten në mbrëmje dhe artistë të tillë si Doja Cat, Ed Sheeran dhe Lil Nas X janë vendosur të performojnë aktualisht. Dua Lipa e nisi mesazhin e saj duke u shprehur se mjekët i kishin thënë që të mos paraqitej në eventin muzikor.
“Më thyhet zemra që duhet të ndaj se nuk do të mund të performoj në iHeartRadio KISS FM Jingle Ball për shkak të laringjitit. Sipas urdhrave të mjekut tim sot, do të më duhet të jem në pushim vokal për ditët e ardhshme në mënyrë që të shërohem plotësisht”, ka shkruaj ajo.
Ajo ka kërkuar falje ndaj fansave të saj, teksa ka theksuar se ata mund të argëtohen dhe pa performancën e saj.
“Më vjen shumë keq për të gjithë fansat e mi dhe jam vërtet mirënjohës për mirëkuptimin tuaj. Jingle Ball ka një formacion yjor me performanca të mahnitshme për të gjithë ju që jam e sigurt që do t’ju pëlqejë,” tha ajo.
Performuesja e mbylli mesazhin e saj duke shkruar: ‘Dërgoj dashurinë time dhe shpresoj të rikthehem në skenë shumë shpejt!’ Dua Lipa më pas ndau një selfie në llogarinë e saj në Instagram që tregonte se ajo po pushonte pak në shtrat në shtëpi.
Discussion about this post