Anëtari i shoqatës ‘Vatra’, Valentin Lumaj ka njoftuar se shqiptarët e Amerikës kanë nisur të planifikojnë për protesta gjatë vizitës së Ramës atje, agjenda e të cilit ende nuk është publikuar për shkak të “frikës” ndaj reagimit të tyre.
Me anë të një postimi në rrjete sociale, Lumaj thekson se Rama e ka ndryshuar disa herë adresën e takimit me mbështetësit e tij.
“Kam marre disa njoftime për një reagim te madh qe shqiptaret në Michigan, nga shoqata dhe grupime te ndryshme po tentojnë të mblidhen për të protestuar kundër vizitës së Kryeministrit Edi Rama në Michigan. Megjithëse flitet për një organizim të madh askush nuk e ka marrë përsipër këtë protestë. Nga ana tjetër flitet se grupi i pritjes së Kryeministrit Rama, po e mbajnë në fshehtësi dhe ilegalitet të plotë stacionet e vizitave të Ramës.
Po ashtu flitet se mbrëmë protestuesit po përgatiteshin që ta bënin protestën përpara Restorantit Besa ku Kryeministri kishte rezervuar një darkë me disa simpatizantë të tij, por që darka ishte anuluar për arsye të një proteste të mundshm.
Flitet se të ftuarve iu është thënë se do të lajmërohen për vendin e Darkës 30 minuta përpara. Po ashtu, nga biseda me miq, sapo me thonë se Rama do të jetë për drekë sot në Restorantin Besa, 600 Ëodeëard Avenue, Detroit në orën 1.
Aty pritet një protestë e madhe me pjesëmarrjen edhe të televizioneve lokale. Miqtë më thonë se protestuesit që janë nga të gjitha trevat shqiptare, Shqipëria, Kosova, Mali i zi etj. nuk kanë arritur deri tani që të mbajnë protestën e tyre për shkak të ndryshimit të planit të herëpashershëm të Ramës.
Flitet që Kryeministri ka kërkuar të vizitojë nesër në orën 5 pasdite Kishën e Shën Palit, por me gjasa nuk do të shkojë vetë për arsye të revoltës së komunitetit. Më poshtë janë disa nga pankartat që kanë përgatitur për këto protesta, të cilat mund t’i printoni sipas dëshirës. Ndiej keqardhje që aktualisht jam në Florida dhe nuk mund të marr pjesë” – shkruan Lumaj në facebook.
Discussion about this post