Kolegji Evropian, von der Leyen: Dhurata madhore që Shqipëria na bëri

Përurohet në Tiranë hapja e Kolegjit Evropian, ku morën pjesë liderët e BE.

Presidentja e Komisionit Evropian, Ursula von der Leyen u shpreh se në mënyrë simbolike kjo do ta shoqërojë Shqipërinë drejt BE.

“Kryeministri Edi Rama tha pse të mos ketë kolegji i Evropës degën në Tiranë. Që nga ai moment unë thashë çfarë ideje fantastike. Na u deshën 9 muaj për të ardhur deri ketu. Faleminderit Federica.

Ky është një moment i veçante dhe për mua përfaqëson Evropën në momentet më të mira. Në këtë kolegj të Evropës do të kemi studentë nga Shqipëria, BE, Ballkani.

Të rinjtë do të flasin për shndërrimin që ka pësuar BE, do të jenë ambasadoret e ardhshëm të ndryshimeve në BE.

Kjo do të jetë dega e tretë e Kolegjit të Evropës.

Kampusi i dytë u hap në Poloni në 1990 dhe në mënyrë simbolike e shoqëruan Poloni dhe vendet e tjera drejt BE dhe jam e sigurt se e njëjta gjë do të ndodhë edhe me Shqipërinë.

Është një dhuratë madhore që Shqipëria i bën Evropës, nga Tirana i jepet Europës faleminderit sepse ju këtu po mirëprisni këtë Kolegj në një vend modern”, tha Ursula von der Leyen.

Presidenti i Këshillit të Europës, Charles Michel, në fjalën e tij tha se Shqipëria është një dritare për të ardhmen Europiane.

“Kur hodhët këtë ide mendova se do duhet kohë që kjo gjë të bëhet realitet, por ja ku jemi. Ju falënderoj për këtë që keni bërë të mundur.

Momentin kur ndodh ky përurim është simbolik. Në 1992 i krijua dega e Natolinin në Poloni për Kolegjin e Evropës. Tashmë kemi një degë tjetër të kolegjit të Evropës, në momentin ku Shqipëria dhe vendet e tjera të Ballkanit Perëndimor po bëhet gati për të ardhmen e tyre në BE.

Shqipëria është një dritare për të ardhmen tone evropiane, për të gjitha gjëra e mira që do ndodhin për Shqipërinë e rajonin. Ky kampus do ju ndihmoj të përgatiteni për Evropën. E për ta sjellë rajonin më pranë Evropës dhe Evropën më pranë rajonin. Kolegji i Evropës do jete një frymëzimi për breza të rinjsh nga e gjithë bota, për të bërë më të mirën e tyre. Kolegji i Evropës është më i rëndësishme për të gjithë ata që punojnë në BE”, u shpreh ai.