Jonila Godole, aktiviste politike dhe pedagoge, e konsideron si shumë zhurmë për asgjë Samitin e Procesit të Berlinit të zhvilluar në Tiranë.
Në një postim në rrjetet sociale, Godole shkruan se e vetmja gjë që mbeti nga kjo “zhurmë“ propagandistike 2-ditore është se të gjithë këta krerë shtetesh europiane u mblodhën tinëzisht nga elitat e vjetra të ish-Bllokut mu në datën përkujtimore të lindjes dhe në mauzoleumin e diktatorit Hoxha
Postimi i Jonila Godole
Zhurmë, zhurmë, shumë shumë zhurmë!… dhe në fund asgjë. Shqipëria vazhdon të mbetet tejet larg standarteve të BE, si një shtet i korruptuar dhe i kapur nga krimi, pa strategji për ta çliruar atë nga këto plagë të rënda.
Por e vetmja gjë që mbeti nga kjo “zhurmë“ propagandistike 2-ditore është se të gjithë këta krerë shtetesh europiane u mblodhën tinëzisht nga elitat e vjetra të ish-Bllokut mu në datën përkujtimore të lindjes dhe në mauzoleumin e diktatorit Hoxha. Bllokmenët e dikurshëm thjesht kanë ndryshuar flamurin e servilosjes për të çimentuar vazhdimësinë e elitave komuniste në pushtet që i kanë marrë frymën Shqipërisë për 45 vite diktaturë dhe 30 vite kapitalizëm. Dikur ato i serviloseshin Bashkimit Sovjetik, kurse tani ish-armiqve të tyre të përbetuar, Perëndimit, me të njëjtin qëllim si gjithnjë, për të qëndruar në pushtet, përjetësisht!
You can never escape the ghosts of the past! (Asnjëherë nuk mund të arratisesh nga fantazmat e së shkuarës)
Discussion about this post