Deklarata e Presidentit francez, Emmanuel Macron, se mund të pezullohej procesi i liberalizimit të vizave për Kosovës, i shastisi të gjithë, përveç Edi Ramës. Kështu u shpreh në emisionin “Open”, Ilda Zhulali, eksperte për çështjet Ndërkombëtare.
Ajo tha se Kosova i ka kaluar të gjitha etapat për liberalizimin e vizave , ndërsa shtoi se ka një ndryshim qëndrimesh mes Gjermanisë dhe Francës ndaj Kosovës dhe Serbisë.
“Deklarata e tij i shastisi të gjithë, përveç Ramës. Shkaktoi shumë turbullirë jo vetëm në botën shqiptare, por kudo. Kosova i ka kaluar të gjitha etapat për liberalizimin e vizave.
U miratua dhe rezoluta nga Parlamenti Evropian. Duke pasur parasysh që vendimi është kopsitur, ajo që mbetet është vetëm zbatimi më datë 1 janar. Nga ana teknike, Macron s’ka mundësi që ta zhbëjë këtë proces.
Deklarata e Macron supozon se kjo gjë ka ndodhur, të paktën nga përkthimi. Sqarimi që bëri ministria e Punëve të Jashtme, e zhvendos në një tjetër kuptim, që pret që Kurti të mbajë premtimin e tij për të zbatuar planin franko-gjerman.
Ky është konteksti që e ka shpjeguar deklarata. Macron bëri një balancim të qëndrimit që bëri dje kancelari gjerman. Ne mund t’i shohim ndryshime mes Francës dhe Gjermanisë në raport me Kosovë dhe Serbinë.
Duhet ta themi qartë që s’ka një vendim për pezullimin e vizave, ky proces është i mbyllur.”, u shpreh ajo.
Discussion about this post