Enkelejd Alibeaj dhe Damian Gjiknuri, bashkëkryetarë të Komisionit të Posaçëm për Reformën Zgjedhore, janë takuar sot jashtë vëmendjes së medias, në një prej lokaleve të Tiranës, shumë pranë kryesisë së Kuvendit dhe zyrave të partisë së drejtuar nga Lulzim Basha.
Dy deputetët kanë shmangur komentet lidhur me takimin.
Ndërkohë Alibeaj jashtë kamerave tha se reforma zgjedhore kishte përfunduar 1 vit më parë kur mazhoranca refuzoi.
Takimi vjen një javë pasi Kryetarja e Kuvendit Lindita Nikolla nuk pranoi propozimin e Gazment Bardhit në cilësinë e grupit parlamentar për të ndryshuar bashkëkryetarin e Komisionit të Posaçëm të Reformës Zgjedhore.
Bardhi propozoi që bashkëkryetar i Komisionit për Reformën Zgjedhore të mos ishte Enkelejd Alibeaj, por Oerd Bylykbashi.
Kjo kërkesë e paraqitur nga Bardhi u shpërfill nga mazhoranca socialiste, gjë që shkakroi përplasje në Kuvend dhe opozita ka paralajmëruar një intensifikim të reagimeve të saj përballë asaj që e konsideron si përpjekje të Edi Ramës për të shuar opozitarizmin.
Discussion about this post