Një plagosje me thikë është raportuar mesditën e sotme në Tiranë. Paraprakisht bëhet me dije se në zonën e Kombinatit një grua ka qëlluar me thikën e bukës bashkëjetuesin e saj, shtetasin Erald Tosku pas një konflikti në banesë.
Gruaja është konfliktuar me burrin për motive të dobëta dhe më pas e ka qëlluar me thikë burrin. Mësohet se ky i fundit është transportuar në spital dhe pas ndihmës mjekësore ndodhet jashtë rrezikut.
Policia ka shoqëruar në komisariatin Nr.6 autoren e krimit ku edhe i ka marrë deklaratën, por nuk e kanë arrestuar sepse ka fëmijën 1 vjeç dhe është shtatzënë 6 muajshe.
Prokurori për këto arsye nuk ka pranuar ta arrestojnë, por të procedohet në gjendje të lirë.
Discussion about this post