Kreu i grupit parlamentar të PS-së, Bledi Çuçi në një dalje për mediat komentoi qëndrimin e opozitës sot në Kuvend, ku disa deputetë bllokuan sallën.
Socialisti theksoi se shfaqja e opozitës sot ishte e shëmtuar dhe nuk justifikohet dhuna ndaj institucioneve. Mes të tjerash ai theksoi se PD ka hallet e veta, por ato duhet t’i zgjidhë jashtë Kuvendit.
“Sot ishte një shfaqje e shëmtuar në Kuvend. Asgjë nuk e justifikon dhunën ndaj institucionit. Ne nuk kemi rrëzuar asgjë. Ka një vendim për një komision bipartizan dhe ta themi qartë dhe për shqiptarët. Vendimi për ngritjen e komisioneve e thotë qartë, një bashkëkryetar nga PS dhe një nga opozita. Janë kushtet që të fillojmë për reformën. Ka kërkuar kryetari i grupit parlamentar të PD dhe nuk ka pritur vendimin tonë. Pa marrë akoma përgjigje, si mund të kërkohet”, tha ai.
Çuçi u shpreh se Komisioni i Etikës do të mblidhet shumë shpejt për të vendosur për deputetët e opozitës që bllokuan sot sallën.
Ai shtoi se do të duhet që të hapen kamerat në mënyrë që të ndahet përgjegjësia për secilin.
“Besoj se do mblidhet shumë shpejt Komisioni i Etikës për përjashtimin e deputetëve. Ne e kemi bërë kërkesën. Do duhet të hapen kamerat dhe të shohim kush është përgjegjës”, u shpreh ai.
Discussion about this post