Lajmin e ka dhënë ministrja e Shëndetësisë Ogerta Manastirliu gjatë një vizite në spitalin e Elbasanit, ku ishte e shoqëruar nga Taulant Balla.
Ministrja e Shëndetësisë, Ogerta Manastirliu ka bërë të ditur se do të mbyllen të gjitha pavionet Covid në rrethe. Kjo u tha ditën e sotme, në spitalin e Elbasanit, aty ku Manastirliu ishte e shoqëruar nga Taulant Balla.
Sipas Manastirliut prej 2 javësh situata në vend është e qëndrueshme, ndërsa sfidë tashmë mbetet shërbimi shëndetësor post-covid për pacientët të cilët shfaqin patologji të ndryshme. Manastirliu tha se së shpejti masat e reja do të komunikohen nga Komiteti Teknik i Ekspertëve.
‘Shumë shpejt do të lehtësohen masat, sfidë mbetet pacientët që shfaqin patologji. Rastet nga rrethet do të vendosen në Tiranë, do të mbyllen pavionet Covid në rrethe.‘- tha Manastirliu.
