Pa rival dhe larg mediave, Gjinushi rizgjidhet në krye të ASH-së

Ashtu siç pritej, Skënder Gjunushi është rikonfirmuar sot në krye të Akademisë së Shkencave.

Pas zgjedhjeve që u mbajtën të fshehta dhe me procedura të dyshimta, nga 53 anëtarë të Akademisë së Shkencave, 51 prej tyre votuan pro Gjinushit dhe vetëm 2 prej tyre kundër.

Akademia e Shkencave nisi në mënyrë të dyshimtë dhe pa transparencë procesin e zgjedhjes së kryetarit të ri, ndërsa në garë ishte vetëm kryetari aktual, Skënder Gjinushi.

Zgjedhjet u zhvilluan pa asnjë njoftim në media dhe në mënyrë të fshehtë nga pjesa tjerët e akademikëve, ndërsa Gjinushi mori sërish drejtimin e Akademisë së Shkencave.

Projektligji që parashikon ndryshime në ligjin e 2019-ës “Për Akademinë e Shkencave” u prit me kritika nga opozita dhe shumë akademikë, për formulimin që lidhej me mandatin e kryetarit të ASH-së.