Presidenti i FSHF, Armand Duka, tha se në Euro2024, që do të luhet në Gjermani, do të kemi një Shqipëri të madhe.
Në një intervistë për News24, Duka u shpreh se kuqezinjtë, pas kualifikimit në Euro2016 dhe pothuajse kualifikimit në Euro2024, do të synojnë pjesëmarrjen në Botërorin e 2026.
“Ëndërr ka qenë edhe kualifikimi në Evropian, e kemi realizuar në vitin 2016 dhe pretendojmë edhe njëherë tjetër në 2024-n, por niveli më i lartë i nivelit sportiv është Botërori dhe pse jo, do ta tentojmë për 2026-n. Por që ta tentojmë duhet të shohim edhe shortin sepse varet edhe nga kundërshtar. Megjithatë, ky është një ekip me kualitet të mirë, me një mentalitet të duhur për të qenë pjesë edhe i një Botërori. Pra, objektivi më i lartë mbetet kualifikimi për Botëror”, tha Duka.
Gjithashtu ai ka folur për premiot e lojtarëve dhe stafit të kombëtares. “Ne që në fillim, çdo edicion, përcaktojmë premio. Brenda këtij vendimi do të jetë edhe për Evropian, edhe për stafin është e kontraktuar premio. Edhe qeveria do të kontribuojë në këtë shumë”, tha Duka.
A mund të jemi një Marok i vogël në Gjermani, nuk po them të imitojnë Greqinë, se ata nuk dinin të shënonin gola kaq të bukur
Duka: Ne do të jemi një Shqipëri e madhe në Gjermani, jo një Marok i vogël.
Flitet për një premio prej 4.5 mln euro për lojtarët dhe stafin, është e vërtetë, po Rama të ka premtuar diçka, se pasaportat diplomatike i morëm një herë…
Duka: Ne që në fillim, çdo edicion, përcaktojmë premio. Brenda këtij vendimi do të jetë edhe për Evropian, edhe për stafin është e kontraktuar premio. Edhe qeveria do të kontribuojë në këtë shumë. Ka pasur një kontribut edhe në fund të vitit të kaluar për kontratën e trajnerit, besoj do të ketë sërish një premio nga qeveria për stafin, nëse do t’i ndajmë kështu.
-Tani me stofin e zëvendës presidentit të UEFA-s besojnë keni një objektiv të ri, një ëndërr të re, se Evropiani është bërë detyrim, cila është ëndrra me e madhe e Dukës?
Duka: Ëndërr ka qenë edhe kualifikimi në Evropian, e kemi realizuar në vitin 2016 dhe pretendojmë edhe njëherë tjetër në 2024-n, por niveli më i lartë i nivelit sportiv është Botërori dhe pse jo, do ta tentojmë për 2026-n. Por që ta tentojmë duhet të shohim edhe shortin sepse varet edhe nga kundërshtar. Megjithatë, ky është një ekip me kualitet të mirë, me një mentalitet të duhur për të qenë pjesë edhe i një Botërori. Pra, objektivi më i lartë mbetet kualifikimi për Botëror.
Një pyetje e fundit, do ta rishikoni skemën, duket sikur nuk po e jep efektin që pritej, të paktën duke iu referuar deklaratave të aktorëve…
Duka: Ne duhet ta shohim deri në fund, pastaj të nxjerrim konkluzionet. Ne kemi kohë që luajmë me një skemë me 10 skuadra, me katër faza vajtje-ardhje. Nuk është se kemi vendosur në një ditë që të bëjmë një mbyllje të kampionatit me një “Final 4” për të patur një spektakël finale për të shpallur skuadrën kampione. Kur kjo skemë vendoset nga fillimi nuk ka pse paragjykohet, sepse të gjithë e dinë se çfarë po luajnë. Kemi eksperienca të tilla me “Final 4” dhe që kanë rezultuar pozitive. Dhe ne kemi bindjen që kjo do të jetë pozitive. Pastaj, nëse do të kërkosh gjilpërën në kashtë, e gjen gjithkund. Çdo skemë ka të mirat dhe të këqijat e veta. Ne mendojmë se kjo skemë ka më shumë të mira se sa të këqija. Do të ketë shumë më shumë emocione në fund, në ndeshjet e “Final 4” dhe nuk i heq asnjë gjë kampionatit. Nuk besoj se kishte ndonjë gjë për të kritikuar në kuptimin sportiv ndeshjen derbi. Pra, vazhdon të bëhet një kampionat i mirë, nuk mund të ketë tolerime sepse del jashtë katërshes, por edhe brenda katërshes ka stimuj të tjerë që nuk të lejojnë të bësh tolerime. Kështu që unë mendoj se është një skemë e mirë, e diskutuar padiskutim, çdo gjë e re diskutohet, por pasi i shijon, mund të bëjnë edhe autokritika, siç ishin shumë ato që ndodhën me Sylvinhon në emërimin në krye të Kombëtares.
Discussion about this post