Gjykata Palermos në Itali ka caktuar masën e sigurisë “Arrest me burg”, për ekonomistin italian, Fabio Petruzello, i cili u arrestua disa ditë më parë së bashku me ekonomistin tjetër italian, 90-vjeçarin Francesco Zumma, të cilët akuzohen për “Pastrim parash”, në bashkëpunim me biznesmenin shqiptar, Rezart Taçi.
Ata akuzohen se kanë kryer transferimin e plot 19 milion eurove nga një bankë greke në Tiranë.
Prokuroria e Hetimit të Korrupsionit bllokoi një vit më parë llogarinë bankare të Francesco Zummos, një shtetas italian 90-vjeçar. Nga hetimet rezultoi se ai kishte transferuar nga një bankë greke në Tiranë plot 19 milionë euro, origjina e të cilave konsiderohet e paligjshme. Këto para janë transferuar kryesisht në Zvicër. Ai ka bashkëpunuar me Fabio Petruzzellan, shtetas italian dhe D.C., shtetas italo-zviceran në këtë skemë mafioze. Të tre personat në fjalë realizonin pastrimin e parave me ndihmën e kompanive të naftës të Rezart Taçit.
Discussion about this post