Basha: Të korruptuarit të japin llogari para drejtësisë

Lulzim Basha, ka deklaruar këtë të dielë se të korruptuarit duhet të japin llogari para drejtësisë e paratë t’i kthejnë mbrapsht.

Sipas Bashës, është jetike që t’i jepet fund korrupsionit dhe pandëshkueshmërisë.

“…Qytetarë të varfër, korrupsion i lartë. Ky është realitetit sot në Shqipëri që po detyron shqiptarët të largohen nga vendi.

Prandaj sot është jetike t’i jepet fund pandëshkueshmërisë. Të korruptuarit duhet të japin llogari para drejtësisë e paratë që u kanë marrë shqiptarëve t’u kthehen mbrapsht.

Paratë që sot shkojnë në xhepat e pushtetarëve të kthehen në të mira për qytetarët”, shprehet Basha.