Çiftet e para ndajnë pikët, Drita shtang Prishtinën në ‘Fadil Vokrri’

Ka përfunduar java e 17-të në Superligën Kosovare të futbollit, e cila ashtu si pritej dhuroi shumë emocione.

Në Klinë u mbajt përballja mes Dukagjinit dhe Llapit, sfidë kjo që përfundoi në barazimin pa gola, pavarsisht nevojës së madhe që këto dy skuadra kishin për të rrëmbyer pikët e plota.

Të dyja kampet krijuan raste në fushë, por asnjë nuk mundi të finalizohet në rrjetat respektive. Nga ana tjetër takimi mes Ulpianës dhe Llapit është ndarë sërish në barazimin pa gola, ku edhe pse të dyja skuadrat bënë një lojë të mirë, nuk mundën të bëjnë direfencën për të shkuar përtej barazimit pa gola 0-0.

Fundjava e futbollit në Kosovë kulmoi me ‘klasiken’ Prishtina – Drita të luajtur në ‘Fadil Vokrri’, ku skuadra gjilanase arriti ti rrëmbejë tre pikët e plotave kryeqytetasve në shtëpinë e tyre.

Intelektualët arritën të zhbllokojnë këtë takim që në minutën e 36’ falë golit të Arbnor Muja, që i dërgoi shifrat e takimit në 1-0.

Drita pati edhe një rast tjetër të mirë për shënim në fund të ndeshjes por nuk arriti ta finalizojë. Të njëjtën gjë provon edhe Prishtina por mbrojtja gjilanase ishte në formën e saj më të mirë, me këta të fundit që arritën ti marrin tre pikët e plota nga kjo përballje.

Në përfundim të këtij takimi, Drita pozicionohet në vendin e tretë të renditjes së përgjithshme me 31 pikë, ndërsa Prishtina në vendin e pestë me 24 pikë.