Në një raport të publikuar së fundmi Institutit i Statistikave ka treguat se gati më shumë se gjysma e popullsisë në vendin tonë nuk përballojnë dot as shpenzimet për produktet bazë për shkak të rrogave të ulta dhe çmimeve në rritje. Konkretisht, INSTAT bënë me dije se, më shumë se 41% e buxhetit të familjeve shkon për ushqime, ndërkohë që më shumë se 1/3 e shoqërisë marrin paga deri në 30 mijë lekë.
Ajo çka bie në sy është se ndihma ekonomike që marrin disa familje nuk i mbulon shpenzimet bazë. Pasi vlera e ndihmës që merr një familje është mesatarisht 7.700 lekë për familje, ndërkohë sipas INSTAT shpenzimet mesatare mujore të një personi në 2020 ishin 46,150 lekë.
Ndër të tjera bëhet me dije se, se nga 26% që ishte totali i të punësuarve që paguhej me pagë minimale në fund të qershorit 2020, ka arritur në 33.5% këtë vit. Në rritjen e nivelit të punonjësve që paguhen me 30 mijë lekë, ka ndikuar rritja e pagës minimale në fillim të këtij viti, nga 26 mijë lekë që ishte vjet shkoi në 30 mijë lekë këtë vit.
Nga ana tjetër është rritur me 2.6% numri i qytetarëve që marrin nga 30-40 mijë lekë pagë mujore, nga 13.5% që ishte ka shkuar në 16.1%. Ndërsa, vetëm 7.8% e të punësuarve vlerësohet me pagë 50-60 mijë lekë në Shqipëri, që është niveli më i ulët historik.
Ndërkohë, sipas INSTAT grupet që zënë peshën më të madhe në shpenzimet për ushqim janë “mish dhe nënprodukte” me 23,7 %, “perimet” me 16,8 %, “qumësht me nënproduktet e tij dhe vezë” me 13,8 %, ndjekur nga “frutat” me 9,6 %. Ndërkohë shtrenjtimi i ushqimeve vijon edhe këtë vit i përqendruar tek shporta e konsumit, si buka, frutat e perimet. Ndjeshëm janë rritur po ashtu shpenzimet për shëndet, si pasojë e COVID-19. E.H/ Gijotina.com/
Discussion about this post