Fjoralba Ponari, moderatorja e dashur e “Portokallisë” ka bërë një bisedë virtuale, mbrëmjen e kaluar me ndjekësit e saj në Instagram. Ajo ka përzgjedhur t’u përgjigjet disa nga pyetjet që përdoruesit e rrjeteve sociale i kanë dërguar.
“Në çfarë faze të jetës je tani? Çfarë do të doje të realizoje”, kjo është një ndër pyetjet që Fjoralba ka marrë në “Ask”.
“Në këtë fazë, se çfarë dua, se çfarë po bëj dhe se ku do shkoj, nuk e di“, ka shkruar moderatorja, përgjigje të cilën e ka shoqëruar me imazhin e një dhie.
Me këtë përgjigje, Fjoralba ka lënë të nënkuptohet se gjendet në një periudhë mjaft komplekse të jetës së saj, duke mos patur një qëllim të caktuar të asaj se çfarë do.
Fjoralba Ponari ka nisur të prezantojë “Portokallinë” në vitin 2021 përkrah Salsano Rrapit dhe Xhemi Shehut. Përveçse është e angazhuar me programin humoristik, Ponari ka hapur gjithashtu një kanal në “Youtube”, përmes së cilit zbulon më shumë rreth udhëtimeve të shpeshta që ajo bën me partnerin e saj.
Discussion about this post