Në një kohë kur në vend korrupsioni është ulur këmbëkryq dhe nevoja për drejtësi është më e madhe se kurrë, SPAK, i cilësuar si Prokuroria e Posaçme që do të luftojë “peshqit e mëdhenj” vazhdon të shpenzojë miliona lekë për nevoja personale të drejtuesve sesa t’i shërbejë drejtësisë.
Së fundmi, Prokuroria e Posaçme Kundër Korrupsionit dhe Krimit të Organizuar ka hapur një tender në datën 23 nëntor, për blerjen e një automjeti tip Sadan. Makinat Sadan cilësohen makinat më të fundit në treg që nxjerrin kompanitë e automjeteve dhe që njihen për çmimet e kripura.
Pikërisht edhe tenderi i bërë nga SPAK, që mban numrin e referencës Ref-12616-11-23-2021, mban fondin limit prej 8.766.702 lekë pa TVSH, ose rreth 90 milionë lekë të vjetra me TVSH.
Pra, drejtuesit e SPAK nuk kursehen kur vjen puna tek komoditeti i tyre, duke u bërë dhurata luksi vetes së tyre, në kurriz të taksave të qytetarëve shqiptarë, të cilët korrupsioni vazhdon t’i mbys përditë e më shumë.
Gijotina.com
Discussion about this post