Andi Bushati dhe Artur Zheji kanë debatuar në emisionin “Të Paekspozuarit” lidhur hetimet e SPAK ndaj ish-kryeministrit Sali Berisha dhe dhëndrit të tij, Jamarbër Malltezi për privatizimin e ish-kompleksit “Partizani”.
Berisha po hetohet nga SPAK për korrupsion pasiv, ndërsa Malltezi për korrupsion në bashkëpunim dhe pastrim parash.
Zheji tha se pas mbrojtjes së Berishës çdo i kallëzuar do të thotë se akuzohen nga larot e SPAK-ut, ndërsa Bushati tha se ashtu janë, duke kujtuar akuzën e SPAK për portalin Lapsi.al që drejton ai, pasi botoi listën e patronazhistëve në mars 2021.
Debati
Artur Zheji: Strategjia mbrojtëse e avokatëve të Doktorit është procedurializmi.
Praktikisht ka një paranojë që e ka bërë SPAK-u këtë për të krijuar një incident procedurial. Më duket në kufirin e paranojës dhe ireales. Avokatët po ndërtojnë një strategji për të bërë çështje këtë gjë për të mbrojtur kushtetutën me këtë gjë, me përmbajtjen e dosjes.
Doktori e ka thënë se është kundër mburojës, imunitetit, dhe unë jam kundër kësaj se ja se ku është rasti me deputetë pa imunitet. Pasi Doktori bëri avokatin e dhëndrit në dy ditët e para, ne po merremi me analizën e SPAK-ut. Nesër prapa prangave të SPAK-ut, ata që do të kapen do të thonë larot e SPAK-ut.
Andi Bushati: Kur janë laro, ashtu janë. Ashtu janë sjellë me mua. Si laro sillen ata, si plehra.
Artur Zheji: Kjo mbrojtja që po bën doktori nuk është ligjore, por është politike.
Andi Bushati: Këta po sillen me keq se drejtësia e Alush Dragoshit që futi Fatos Nanon në burg.
Discussion about this post