Kryetari i Bashkisë së Shkodrës, Benet Beci bëri me dije sot se ka emëruar regjisorin Arjan Çuliqi, si drejtorin e ri të teatrit ” Migjeni”.
Teatri “Migjeni” ishte në kërkim të drejtorit të vet, pasi drejtuesja e 7 viteve të fundit, Mjeshtre e Madhe Rita Gjeka, është larguar pas mbushjes së moshës së pensionit.
Për këtë pozicion, Bashkia e Shkodrës hapi konkurs, përmes të cilit u zgjodh drejtori i institucionit më të rëndësishëm kulturor në Veriun e Shqipërisë.
Postimi i Benet Becit:
“Sot i kam pritur në zyrë të dy kandidatët për drejtues të teatrit “Migjeni”, znj.Sara Smaja dhe z.Arjan Çuliqi, të cilët i falenderova për platformat e tyre.
Duke vlerësuar kontributin dhe idetë e tyre kam vendosur që drejtues të teatrit ” Migjeni” të emëroj zotin Arjan Çuliqi, ndërsa znj.Sara Smaja ta bëj pjesë të ekipit drejtues të kulturës në Bashkinë e Shkodrës.
Na shkoftë mbarë!”
Discussion about this post