Ish-Kryeministri Sali Berisha tha se nuk e njeh vendimin e GJKKO, që e detyron të shkojë të hënën e parë dhe të tretë të çdo muaji para oficerit të policisë gjyqësore, në kuadër të hetimeve që SPAK po kryhen lidhur me privatizimin e kompleksit Partizani.
Berisha shprehet se vendimi i GJKKO është marrë në kundërshtim me Parlamentin, pasi janë anashkaluar procedurat parlamentare dhe nuk ka një autorizim për të kufizuar të drejtat e deputetit, duke qenë se ish-Kryeministrit i ndalohet të dalë jashtë vendit, pa një vendim gjykate.
Lidhur me qëndrimet e mbajtura nga Berisha, avokati Spartak Ngjela tha për Report TV se nëse Berisha refuzon të shkojë, SPAK mund ta shoqërojë edhe me forcë.
Në emision ‘Pa Protokoll’, Ngjela thotë se procedurat që po ndjek Berisha janë të gabuara.
“Procedurat janë të gabuara. Proceduralisht vetë e kanë bërë ligjin. Ia hoqën të drejtën imunitetit, ja kanë lënë parlamentarit vetëm në arrest.
Fakti që nuk është arrestuar nuk është e rëndë, është vetëm në proces. Të paraqitet. SPAK e kanë ndërtuar vetë të tërë këta.
Njeriu nën akuzë nuk është shumë i qetë, ka shqetësim psikik. Nëse s’do paraqitet ata mund ta marrin edhe forcërisht. Unë them se cilat janë momentet ligjore, do i bëjë apo jo SPAK nuk e di”, tha Ngjela.
Discussion about this post