Është mbledhur ditën e sotme grupi Parlamentar i Partisë Socialiste.
Mbledhja vjen disa orë para seancës parlamentare, e cila do të mbahet në orën 17:00.
Gjithashtu sot janë paralajmëruar tensione në Kuvend për shkak të pranisë së 26 deputetëve të opozitës, të cilët janë përjashtuar me 10 ditë nga seancat.
Burime nga mbledhja me dyer të mbyllura të PS-së bëjnë me dije se kryeministri Edi Rama ka dhënë porositë e tij për deputetët socialistë, ku ka kërkuar që të vazhdohej të respektohej rregullorja e Kuvendit.
“Ne vazhdojmë të respektojmë rregulloren, ata të vijojnë punën e tyre. Për çdo situatë të krijuar duhet që PS të jetë e unifikuar në qëndrim”, mësohet të jetë shprehur kryeministri Rama, para ligjvënësve.
Discussion about this post