Konflikti te ‘Kepi i Rodonit’, flet Mark Frroku: S’ka ndodhur asgjë..

Ish-deputeti Mark Frroku ka deklaruar para Policisë, se nuk ka ndodhur asnjë konflikt në zonën e Kepit të Rodonit.

Frroku u ka thënë hetuesve se nuk dinte asgjë, nuk kishte ndodhur asgjë dhe nuk ishte konfliktuar askush.

Praninë e tij në zonë e ka justifikuar si ndërtues i murit dhe ishte pajtuar nga përfaqësuesit e kishës.

Në konflikt u përfshinë disa persona që pretendojnë se janë përfaqësues të Kishës Katolike, me banorët e zonës, të fshatit Shetaj, mes tyre edhe ish-deputeti i PS, Mark Frroku dhe të afërm të tij.

Konflikti ishte i ashpër dhe situata ka agravuar në përdorimin e armëve të zjarrit.

Ende nuk është përcaktuar nga policia se kush e posedonte armën e zjarrit.