Kryetari i Partisë së Lirisë, Ilir Meta ka deklaruar se bashkëpunimi me Sali Berishën do të vazhdojë dhe pavarësisht përpjekjeve të shumta nuk do të mund t’i përçajnë dot.
Meta theksoi se do të vazhdojë të jetë në një linjë me PD dhe çdo faktor opozitar në vend.
“Jemi në një linjë për rikthimin e të drejtave kushtetuese në Kuvend. Ne jemi në një linjë me PD, me çdo faktor opozitar në vend, që është për rikthimin e vendit në shinat kushtetuese, për rikthimin e shtetit në demokraci, që nuk mund të ndodhi pa vetë rolin që duhet të marrë opozita”, tha ai.
Meta theksoi se s’mund të thotë dot që pokurorët e SPAK janë të gjithë ushtarë të Agaçit.
“Kot e keni që doni të më përçani me Berishën. Secili ka stilin e vetë. Nuk mbaj qëndrim në bllok. Nuk mund të them që të gjithë ata atje janë ushtarë të Engjëll Agaçit”, u shpreh ai.
Discussion about this post