Petrit Vasili, deputet i PL-së, e ka konsideruar talebanizëm sjelljen e mazhorancës socialiste në Kuvend.
E ndërsa socialistët kanë zgjedhur që pas çdo seance të përjashtojnë deputetë të opozitës nga punimet parlamentare, Vasili shkruan se rrëmbimi i parlamentit nga talebanët rilindas me në krye Edi Ramën është tashmë fakt.
“Deputetet e opozitës dënohen vazhdimisht ndërsa rilindasit janë të paprekshëm edhe kur sillen si rrugaçë ordinerë në sallën e Kuvendit duke filluar nga Edi Rama, që ka vjellë tonelata me ujëra të zeza nga goja, duke vazhduar tek Ermonela Felaj etj, etj.
Garda hyn si i do qejfi në Kuvend duke e shndërruar atë në kazermë të policisë, kur as duhet ta imagjinonte që të futej pa urdhër.
Talebanët e rilindjes të çmendur nga babëzia e vjedhjes sillen si pushtues në Kuvend dhe u ngjajnë bolshevikëve, që sapo hynë në Pallatin Dimrit filluan të përmirrnin mbi veprat e artit.
Salla e Parlamentit është kthyer në një shpelle horrash ku nuk ka as Rregullore dhe as Kushtetutë, por vetëm majmunëri rilindase, që si e marrë zbaton urdhrat e te marrit Edi Rama.
Gjithçka vendoset në mënyrë shpellare nga Lindita Nikolla, që në vend të Kryetares së Kuvendit është shndërruar me sjelljen e mjerë te saj në një shërbëtore te paligjshmërisë në Kuvend duke shkelur shume rëndë çdo norme e ligj”, shkruan Vasili në rrjetet sociale.
Discussion about this post