Ballkani fitoi me rezultatin minimal 1-0 përballë Dritës. Një fitore mjaft e rëndësishme për të besuarit e teknikut Daja që bëjnë një tjetër hap të sigurt drejt mbrojtjes së titullit. Golin e vetëm të kësaj ndeshje e shënoi Lumbardh Dellova në minutën e 36’.
Është pikërisht video e këtij goli që po bën xhiron në rrjet. Një skemë mjaft interesante në momentet e goditjes së dënimit e cila u ekzekutua nga Dellova. Në fillim pranë topit ishin 5 lojtarë. 3 të parët u nisën, por e kapërcyen topin, teksa goditja erdhi nga lojtari i katërt që ishte Lumbardh Dellova.
Një supergol, por skema mbetet e veçanta. Kështu tregohet edhe njëherë gjenialiteti që arkitekti i këtij Ballkani, Ilir Daja ka.
Discussion about this post