Një ndër tre personat e shpallur në kërkim në Lezhë, si i përfshirë në ngjarjen e 13 nëntorit, ku të maskuar dhe të armatosur tre persona hynë në një lokal, rezulton se është një ndër to është dhe shoku i Ramazan Rrajës, Roan Brahimi. Ky i fundit rezulton i arrestuar për armbajtje pa leje, por është mbajtur në qeli vetëm 3 ditë, duke i shpëtuar burgimit ndonëse kishte konsumuar një vepër penale.
Me armë dhe euro në makinë
Në vendimet e gjykatave për Brahimin, sqarohen dhe rrethanat e arrestimit të tij: Rreth orës 14.00 të datës 15.5.2018, shërbimet e policisë, në aksin rrugor Lezhe-Milot, në pjesën që kalon përballë “Auto Sallon Miftari”, kanë ndaluar dhe ushtruar kontroll mbi mjetin tip “Lancia” (në pronësi të E.K.) që drejtohej prej të pandehurit Roan Brahimi dhe në një çantë dore tip borsetë që ndodhej tek pjesa e këmbëve të sediljes së pasagjerit kane gjetur dhe sekuestruar një arme zjarri pistoletë e llojit “Beretë” me nr.PJ19045 në krëhërin e të cilës ndodheshin 15 fishekë. Në kroskotin e mjetit është gjetur një qese plasmasi ne brendësi të së cilës ndodheshin 14 600 euro bashke me një sasi bizhuterish të cilat janë sekuestruar prej policisë.
Discussion about this post