Autoriteti i Komunikimeve Elektronike dhe Postare (AKEP) ka vendosur një gjobë prej 10 milionë lekësh të rinj për kompaninë telefonike ‘One Albania’.
AKEP thekson se “One Albania” duhet të respektojë detyrimet ligjore dhe kontraktore lidhur me kufizimet e shërbimeve dhe njoftimin e pajtimtarit përpara zgjidhjen e kontratës.
Në vendim thuhet se “One Albania” duhet të respektojë detyrimet ligjore lidhur me publikimin e informacionit transparent, të krahasueshëm, të përshtatshëm dhe të përditësuar për çdo detyrim në përfundimin e kontratës, si dhe kushtet e përgjithshme për aksesin e përdorimin e shërbimeve të ofruara për përdoruesit fundorë.
Gijotina.com ka denoncuar më parë problemet e shumta që abonentët e kompanisë së telefonisë celulare hasnin në marrjen e shërbimit.
Pak kohë më parë mijëra abonentë të kompanisë telefonike “ONE” janë zgjuar pa shërbim në telefonat e tyre këtë të enjte.
Pa asnjë njoftim paraprak nga kompania “ONE”, abonentëve ju është ndërprerë çdo komunikim. Sipas ankesave të mbërritura në redaksi, shumë abonentë thonë se nuk mund tee kryejmë thirrje telefonike.
Po ashtu atyre u është ndërprerë shërbimi i internetit dhe i mesazheve të shkruara. Qytetarët thonë se kanë provuar të kontaktojnë me shërbimin e klientit të kompanisë telefonike “ONE”, por askush nuk ju është pëgjigjur.
Discussion about this post