Princ Harry dhe Megan Markle nuk kanë patur asnjë kontak me Pallatin Mbretëror në lidhje me ftesën për ditëlindjen e 75-të të Mbretit Charles, konfirmon zëdhënësi i çiftit.
Mbreti Charles III pritet të festojë ditëlindjen e tij, ditën e martë, më 14 Nëntor, në një festë të organizuar në Clarence House me miqtë dhe familjarët e tij.
“The Sunday Times” raportoi se Princ Harry refuzoi ftesën e ditëlindjes dhe kanë vendosur që gjatë asaj kohë të qëndrojnë në Kaliforni.
Por zëdhënësi i Harry dhe Meghan ka deklaruar që çifti nuk është kontaktuar fare në lidhje më këtë festë të organizuar.
“Nuk ka patur asnjë kontakt në lidhje me ftesën për ditëlindjen e Mbretit Charles. Eshtë shumë zhgënjyese që “Sunday Times” ka raportuar gabim të gjithë këtë histori”, ka thënë zëdhënësi.
Një tjetër burim pranë çiftit ka thënë për “MailOnline” që jo vetëm që nuk janë ftuar por ata nuk ishin fare në dijeni të kësaj feste derisa lajmet shpërthyen në media.
Sipas zëdhënësit, çifti normalisht duhet të ishte pjesë e këtij plani për këtë ngjarje kaq të rëndësishme pavarësisht largësisë mes tyre dhe familjes mbretërore.
Discussion about this post