Ditën e sotme do të zhvillohen dy takimet e fundit të raundit të 16 të Seria A dhe me to pritet të zbresin në fushë edhe lojtarët shqiptarë.
Empoli i Nedim Bajramit, Ardian Ismajlit dhe Kristjan Asllanit do të ndeshet në orën 18:30 me skuadrën e Udineses.
Kjo ndeshje është shumë e rëndësishme për ekipin që aktualisht renditet në vend të 11 të tabelës së Seria A me 20 pikë, teksa Udinese renditet në vend të 14 me 16 pikë të grumbulluara deri më tani.
Të tre lojtarët shqiptarë kanë treguar formë të mirë në ndeshjet që kanë luajtur dhe pritet që edhe ditën e sotme të aktivizohen. Duhet të theksojmë se Empolit i duhet kjo fitore duke ditur se ndeshjen e radhës e ka sfidë ‘ferri’ me Napolin dhe do të rrezikonte shumë nëse nuk arrin që ndaj Udineses të merrte 3 pikët.
Ndeshja tjetër e këtij kampionati ajo midis Cagliarit dhe Torino që luhet në orën 20:45 do të mbyllë këtë raund të Seria A.
Bazuar në renditjen në tabelë ku vendasit qëndrojnë në vend të parafundit me 9 pikë, teksa kundërshtarët e tyre renditen të 13 me 18, e bën të lehtë në letër këtë ndeshje të ekipit të portierit ‘Kuqezi’, Etrit Berisha.
Megjithatë, përtej ecurisë së ekipit duket se lojtari shqiptar nuk po gjen hapësirë dhe minuta aktivizimi te Torino dhe nuk dihet nëse ditën e sotme do të ketë ndonjë mundësi për të luajtur./K.T/Gijotina.com
Discussion about this post