Detaje tronditëse janë publikuar lidhur me ngjarjen e rëndë të ndodhur sot në Tiranë, ku në bodrumin e një pallati në zonën e Yzberishtit në Tiranë, u gjet një foshnje e porsalindur, e braktisur, në gjendje të rëndë shëndetësore.
Disa orë pas ngjarjes së rëndë, Policia identifikoi dhe ndaloi një 30-vjeccare, e dyshuar si nëna e foshnjës, e cila u mor në pyetje në komisariatin nr 6 të Policisë së Tiranës. Por gjatë marrjes në pyetje, 30-vjeccarja ka shfaqur probleme shërndetësore, ccka ka detyruar Policinë që ta transportojë drejt spitalit për ndihmë mjekësore.
Ndërkohë foshnja ndodhet në spitalin “Koço Gliozheni”, në gjendje tepër të rëndë, e lidhur me aparatin e ventilimit.
Në relacionin e plotë mbi gjendjen e foshnjës, të seksit mashkull, thuhet se trupi mbërriti pa shenja jete.
“Në momentin e ardhjes në reanimacion bebi i mbuluar me gjak e baltë, konstatohet hipotermi e thellë, dërrmishje të syrit të majtë, të gojës, të gishtave të dorës së djathtë me falanga të ruajtura, ekimoza të zonës skrotale, të cilat u evidentuan pas larjes së bebit. Pa shenja jete, pa respiracione, pa tone kardiake, klampohet kordoni umbelikal”, thuhet në relacion.
Foshnja u gjet në një divan në bodrumin e pallatit nga një banor i zonës. Nga raportimet ai kishte dëgjuar të qarat e foshnjës dhe kishte njoftuar Policinë ose shërbimet e Urgjencës.
Njoftimi i Policisë
“Tiranë/Informacion shtesë: Në lidhje me ngjarjen e ndodhur ditën e sotme, e cila bën fjalë për gjetjen e një foshnje të porsalindur në bodrumin e një pallati në Yzberisht, ju informojmë se:
Shërbimet e Komisariatit të Policisë Nr. 6 kanë bërë të mundur identifikimin dhe shoqërimin e një 30-vjeçareje, si autore e dyshuar e kësaj ngjarje.
Pas identifikimit dhe shoqërimit, shërbimet e Policisë e kanë dërguar 30-vjeçaren për ndihmë mjekësore në spital, dhe aktualisht ndodhet nën kujdesin e mjekëve”, njofton policia.
Relacioni i plotë mbi foshnjen
Foshnja me Nr.123, i seksit mashkull, Nr. kartele 238, me peshë 3580 g, u paraqit në Repartin e Terapisë Intensive Neonatale të Maternitetit “Koço Gliozheni”, i shoqëruar me policin e shërbimit dhe infermieren, në gjendje të traumatizuar, të dëmtuar, pa shenja jete.
Referohet i gjetur në garazhin e një pallati në zonën e Yzberishtit në gjendje të rëndë, i zhveshur, kordoni umbelikal i pa klampuar, mbuluar me hemorragji profuze, me shenja jete (sipas infermieres).
Në momentin e ardhjes në reanimacion bebi i mbuluar me gjak e baltë, konstatohet hipotermi e thellë, dërrmishje të syrit të majtë, të gojës, të gishtave të dorës së djathtë me falanga të ruajtura, ekimoza të zonës skrotale, të cilat u evidentuan pas larjes së bebit. Pa shenja jete, pa respiracione, pa tone kardiake, klampohet kordoni umbelikal.
U reanimua intesivisht, intubohet, masazh kardiak, izolohet linja periferike ku aplikohen medikamente për reanimim. Pas reanimimit intensiv prej 40 minutash, shfaqi shenja jete, bradikardi të thellë, reagime të dobëta. U bë mjekimi i plagëve në kushtet e asepsisë. Me fenomene hemorragjike nga pulmonet, dhe vendet e manipulimit. U porosit mase eritrocitare, plazëm e freskët e ngrirë.
Mbetet në gjendje tepër të rëndë i lidhur me aparatin e ventilimit me parametra maksimalë.
Discussion about this post