Njëri kapet duke vjedhur, tjetri rreh babanë, arrestohen 11 persona në Tiranë

Policia e Tiranë ka arrestuar në 24 orët e fundit 11 persona të cilët akuzohen për vepra të ndryshme penale.

Sipas policisë po ashtu janë vënë nën hetim edhe 10 persona të tjerë për vepra më të lehta.

Blutë kanë vënë në pranga A. D., 30 vjeç, pasi i ka vjedhur me dhunë çantën e dorës, E. K., 28 vjeçe, dhe gjatë tentativës për t’u larguar, ka plagosur lehtë me mjet prerës, E. D., 54 vjeç, i cili ka tentuar ta ndalojë.

Gjithashtu, policia ka arrestuar në flagrancë M. N., 20 vjeç, pasi gjatë kontrollit fizik iu gjet dhe sekuestrua në cilësinë e provës materiale një sasi lënde e dyshuar narkotike cannabis sativa dhe një mjet prerës thikë; T. J., 25 vjeç, si dhe proceduan penalisht T. Th., 18 vjeç, pasi gjatë kontrollit të ushtruar në mjetin e T. J., u gjet dhe sekuestrua në cilësinë e provës materiale një sasi lënde e dyshuar narkotike cannabis sativa, ndërsa T. Th. nuk ka kallëzuar krimin; N. B., 54 vjeç, pasi u konstatua duke kryer punime, pa lejen e organeve kompetente.

– E. H., 29 vjeç, pasi ka shkelur masë e sigurisë “Arrest në shtëpi” dhe është konstatuar nga shërbimet e Policisë, jashtë banesës;
– L. C., 21 vjeç, pasi ka ushtruar dhunë fizike dhe psikologjike ndaj babait të tij.

Gjatë kontrollit rutinë, policia ka vënë në pranga A. B., 21 vjeç, i dënuar më parë për drejtim mjeti pa leje drejtimi dhe M. H., 27 vjeç, për veprat penale “Moskallëzim krimi”, “Veprime që pengojnë zbulimin e të vërtetës”, “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.

Specialistët e Qarkullimit Rrugor bënë arrestimin në flagrancë të personave:

– I. D., 26 vjeç, pasi u kap duke duke drejtuar motomjetin, në gjendje të dehur dhe pa leje drejtimi;

– K. B., 34 vjeç dhe P. L., 40 vjeç, pasi u kapën duke drejtuar mjetet përkatëse, në gjendje të dehur.

U referuan materialet në Prokurorinë pranë Gjykatës së Shkallës së Parë Tiranë, për shtetasit:

– K. A., 40 vjeç, për veprën penale “Dëmtime të tjera me dashje”;

– A. M., 35 vjeç dhe A. I., 63 vjeç, për veprën penale “Kanosja”;

– R. D., 36 vjeç, O. H., 15 vjeç dhe P. Z., 15 vjeç, për veprën penale “Vjedhja”;

– E. S., 60 vjeç dhe G. S., 41 vjeç, për veprën penale “Ndërtim i paligjshëm”;

A. R., 32 vjeçe, ka kallëzuar se është larguar nga banesa e saj, vajza e mitur, shtetasja B. Xh., 16 vjeçe. Punohet për gjetjen e saj.