Nuk u grumbullua nga Sylvinho, Mihaj zbulon arsyen

Mbrojtësi i kombëtares kuqezi, Enea Mihaj, nuk ishte në listën e Sylvinhos, për dy ndeshjet e fundit në grup, ndaj Moldavisë dhe Ishujt Faroe.

Mihaj ka zbuluar arsyen e vërtetë përmes një postimi në rrjetet sociale

“Fatkeqësisht, për shkak të një dëmtimi të lehtë në ditët e fundit, nuk mund të bëhem pjesë e ndeshjeve të ardhshme me Kombëtaren kuqezi. Kjo më trishtoi, por unë e di që djemtë do të japim gjithçka për të arritur synimin tonë dhe të jemi në “EURO 2024″. Shumë fat djema”, shkruan Mihaj.

Risi e listës së publikuar nga Sylvinho ishte Arbnor Muçolli, i cili luan në kampionatin suedez.