Chelsea vs City, përmbysje, penallti e fituar nga Broja e lumë golash

Përballja mes Chelsea dhe Manchester City u karakterizua me lojë të hapur dhe me përfundim dramatik, me rezultatin 4:4.

Një derbi që do të mbahet mend gjatë për nga kthesa në rezultat dhe lumë golash.

Pavarësisht kohës me shi, të dy ekipet dhuruan spektakël.

Kampioni në fuqi, Manchester City, nuk doli me pikë të plota nga stadiumi “Stamford Bridge” në Londër.

Në minutën e 90+3, reprezentuesi i Shqipërisë, Armando Broja, pengohet në mënyrë të palejueshme brenda zonës duke fituar penallti për Chelsean.

Palmer shënoi nga penalltia për 4:4.

Broja është aktivizuar në minutën e 89-të por i shërbeu më së miri bluve të Londrës.

Për Chelsean shënuan Silva (29′), Sterling (37′), Jackson (67′), Palmer (90+5’ – nga penalltia) dhe për Cityn realizuan Haaland (25′-nga penalltia e 67′), Akanji (45+1′) e Rodri (86’).

Pas javës së 12-të në Premier League në futboll, Manchester City kryeson me 28 pikë, pasojnë Liverpooli 27, Arsenali 27, Tottenhami 26, Aston Villa 25, Manchester Utd 21 pikë etj.

Chelsea renditet në vend të 10-të me 16 pikë të mbledhura.