Kryeministri Edi Rama komentoi mbrëmjen e sotme për herë të parë aksionin e opozitës në Kuvend. Ndërsa e konsideroi një aksion vetëvrasës sjelljen e opozitës, Rama paralajmëroi gjithashtu se mazhoranca do të ndryshojë e vetme ligjin për Komisionet Hetimore.
Megjithëse i konsideron komisionet hetimore si një e drejtë Kushtetuese, Rama akuzon opozitën se po e keqpërdor këtë të drejtë, duke vendosur gjoba.
“Nëse do isha këshilltari i tyre do u jepja këshilla të tjera dhe kurrë këto që bëjnë. Këto janë aksione vetëvrasjeje. Është i gjithi një aksion vetëvrasës dhe dihet pse ky aksion ka arritur në fund.
Sikur të shkojmë të kapim një peshk për këtë radikalizimin e orëve të fundit, peshku do qeshë e do thotë “pse nuk e di ti””, u shpreh Rama në ‘Repolitix’.
Ai akuzoi opozitën se po keqpërdor të drejtë që ia jep Gjykata Kushtetuese për Komisionet Hetimore.
“Parlamenti nuk është vendi më i ulët por vendi më i lartë. Gjykata Kushtetuese ka vënë kornizat brenda të cilave mund të kërkosh një komision hetimor.
Nuk mund të kërkohen komisionet hetimore për t’u përdorur për gjobëvënie. Prej shumë kohësh kemi thënë hajde ngremë një komision.
Janë 7 vendime të Gjykatës Kushtetuese që duhen adresuar. Hajdeni bashkarisht të bëjmë adresimin e këtyre vendimeve. Po të doni hajde marrim një asistencë nga BE.
Në Europë ngrihen komisionet hetimore një herë në 5 vjet. Pse kjo është detyra e opozitës duke abuzuar me një të drejtë që ta jep Kushtetuta, por e ke këtu këtu e jo për të marrë nëpër gojë gjithë Shqipërinë. Kemi dashur ta bëjmë me një komision të posaçëm të përbashkët për të bërë një integrim të të gjithë problematikës bashkarisht. Tani do e bëjmë vetë”, tha Rama.
Discussion about this post