Mbrëmjen e sotme dhe të mërkurës do të zhvillohen takimet e fundit të fazës së grupeve të Champions League, nga ku do të përcaktohen ekipet e mbetura për raundin e 1/8-ave të kampionatit më të rëndësishëm për klube.
Deri më tani të kualifikuara janë: Ajax, Bayern, Chelsea, Inter, Juventus, Liverpool, Manchester City, Manchester United, Paris Saint-Germain, Real Madrid dhe Sporting CP.
Teksa mes AC Milan, Atalanta, Atletico, Barcelona, Benfica, LOSC Lille, Porto, Salzburg, Sevilla, Villarreal dhe Wolfsburg, pritet të përcaktohen edhe të kualifikuarat e tjera.
Pasi të jenë përcaktuat edhe skuadrat e tjera që kalojnë në raundin e radhës, të hënën më 13 dhjetor në orën 12:00 do të hidhet shorti i 1/8-ave të Finales
Skuadrat që vijnë nga i njëjti vend nuk do të ndeshen në këtë fazë me njëra-tjetrën, madje as me kundërshtarët që kanë pasur në fazën e grupeve.
Në 1/8 ekipit do të kenë nga dy ndeshje, të parat zhvillohen më 15/16/22/23 shkurt, ndërsa ato të kthimit më 8/9/15/16 mars dhe të gjitha do të zhvillohen në orën 21:00.
Goli i miqve është hequr, gjë që nënkupton se skuadrat do të luajnë në minuta shtesë pa marrë parasysh numrin e golave që ekipet kanë shënuar si vendas dhe si mysafir dhe siç ndodh zakonisht nëse ndeshja vijon të jetë barazim pas 30 minutave, çdo gjë do të varet më pas nga penalltitë.
Ndeshja finale e Champions League do të zhvillohet në “Gazprom Arena” në Shën Petersburg më 28 maj 2022./K.T/Gijotina.com
Discussion about this post