Efektivët e policisë të Shkodrësë, të cilët kanë rezultuar përdorues të drogës sipas testit të kryer, mësohet se kanë kundërshtuar në mënyrë kategorike konsumimin e lëndëve narkotike nga ana e tyre, ndaj për këtë do të ngrenë padi ndaj laboratorit që ka kryer testet. Mësohet se ata janë të nivelit inspektorë.
Dymbëdhjetë efektivë policie të drejtorisë vendore të policisë Shkodër rezultuan përdorues droge nga testi i bërë për përdorimin e lëndëve narkotike nga vetë policia e shtetit. Për policinë vendore të Shkodrës që përfshin gjithë qarkun, janë testuar sipas burimeve 80 punonjës policie për të cilët ka dyshime ose indicie se mund të kenë konsumuar lëndë narkotike. Nga këta 80 të testuar 12 prej tyre kanë rezultuar pozitiv, mosha mesatare e të cilëve mësohet se është 50 vjeç.
Discussion about this post