Daja: Fitoret i morën se donin lojtarët, kemi sfidë të vështirë me Vllazninë

Ndeshja midis Vllaznisë dhe Partizanit konsiderohet si një nga më interesantet të javës së 12 në Superligë.

Ky takim do të luhet në ‘Loro Boriçi’ në orën 16:45 këtë të mërkurën, teksa në këtë sfidë kryeqytetasit vij pas rikthimit në fitore, me shkodranët që takimin e fundit morën në barazim.

Duke folur në prag të kësaj ndeshjeje, trajneri i Partizanit, Ilir Daja u shpreh se Vllanzia është një kundërshtar i fortë.

“Vllaznia ka bërë një kampionat shumë të mirë vjet dhe e ka startuar edhe këtë sezon shumë mirë. Më kujtohen fjalët e një trajneri të Dinamos, i nderuari Bejkush Birçe që thonte ‘një lojë e bukur mbahet mend një javë, ndërsa rezultati hyn në histori’. Përballjet me Vllazninë janë ndeshje ku brenda është dhe kënaqësia dhe vështirësia.”-tha ai.

Më tej tekniku shtoi se marrja e rezultateve pozitive së fundmiu ka ndodhur prej dëshirës së lojtarëve.

“Në këto ndeshje të fundit ku kemi marrë fitore, kryesorja ka qenë dëshira dhe sakrifica e lojtarëve për të shkuar te rezultati. Unë do të kërkoja vazhdimësinë që të bëhet një miksim ku motivimi, dëshira dhe sakrifica të jenë të parat.”-theksoi Daja./K.T/Gijotina.com