Barazon me Ukrainën, Italia kualifikohet për në Euro2024

Italia është kualifikuar zyrtarisht në Euro 2024.

Ekipi i Spalletti-t ia ka dalë të marrë kualifikimin për të qenë mes më të mirave, pas barazimit 0-0 ndaj Ukrainës në BayArena (Leverkusen).

Ashtu siç pritej, ndeshja ishte mjaft e luftuar, kjo edhe për shkakun se një fitore do dërgonte në Europian ukrainasit.

Në fund festojnë italianët, pasi renditen përfundimisht në vendin e dytë me 14 pikë. Edhe pse më të njëjtën kuotë pikësh, detajet kanë bërë diferencën. Italia kishte mundur në ndeshjen e parë ukrainasit me rezultatin 2-1, çka ishte e favorizuar në kriterin e përballjeve direkte, sikundër ekipi i Spalleti-t kishte një golavarazh më të mirë.