Shpërthen tritoli në Tiranë, thyhen xhamat e një biznesi

Një shpërthim me lëndë plasëse në ndodhur në rrugën “Dritan Hoxha” në Laprakë.

Lënda plasëse ka shpërthyer në rrugë dhe si pasojë janë dëmtuar xhamat e një biznesi.

Ngjarja ka ndodhur rreth orës 04.50 të mëngjesit të sotëm.

Nga shpërthimi janë thyer xhamat e biznesit, ndërsa pronari i lokalit ka deklaruar se s’ka pasur konflikte me persona të tjerë.

Ai është shprehur se nuk e di kush mund ta ketë vendosur eksplozivin.

Pronari i biznesit nuk ka precedent të mëparshëm penal dhe nuk njihet si person problematik.

Policia ka sekuestruar kamerat e sigurisë për të parë se kush e ka hedhur lëndën plasëse.

Njoftimi i Policisë:

Tiranë/Informacion paraprak

Më datë 21.11.2023, rreth orës 04.50, në rrugën “Dritan Hoxha”, në Laprakë, (në rrugë) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e një biznesi përreth.

Grupi hetimor po punon për sqarimin e rrethanave të ngjarjes.