Shpërdorim detyre/ Arrestohet kreu i IMT-së në Sarandë, Nasip Hoxha

Kreu i Inspektoratit të Mbrojtjes së Territorit (IMT) në Sarandë, Nasip Hoxha është vënë në pranga.

Arrestimi i tij është kryer mbrëmjen e djeshme, ndërsa më pas ai është transferuar për në spital, pasi nuk është ndier mirë.

Ende nuk ka detaje për akuzën me të cilën akuzohet, por sipas burimeve konfidenciale besohet se Nasip Hoxha akuzohet për shpërdorim detyre.

Arrestimi i tij është kryer me urdhër të prokurores, Besjana Sadikaj.

Hoxha, i cili është në detyrë prej gati 5 muajve është drejtori i tretë radhazi i INUV në këtë bashki i cili ndalohet me urdhër të Prokurorisë së Sarandës në harkun kohor të 19 muajve.