Shpërthim tritoli në një lokal në Tiranë pranë rrugës së Kavajës

Një shpërthim me lëndë plasëse ka ndodhur në Tiranë.

Policia bën me dije se rreth orës 05:00 është marrë njoftim se në rrugën “Sali Butka”, në ambientet e jashtme të një lokali dyshohet se ka shpërthyer lëndë plasëse.

Njoftimi i Policisë:

Tiranë/Informacion paraprak

Më datë 28.11.2023, rreth orës 05:00, është marrë njoftim se në rrugën “Sali Butka”, në ambientet e jashtme të një lokali në përdorim nga shtetasi A. Xh., 40 vjeç, dyshohet se ka shpërthyer lëndë plasëse, dhe si pasojë ka vetëm dëme materiale.

Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.