Protesta në Prishtinë, Gjykatësja Trendafilova ‘ngujohet’ në hotel

Protesta e fundit në Prishtinë, për ardhjen e gjykatëses me origjinë bullgare, ka angazhuar forca të shumta policore.

Nga mediat kosovare, mësohet se, Kryetarja e Dhomave të Specializuara të Kosovës, Ekaterina Trendafilova, po vazhdon të qëndrojë brenda një hoteli në Prishtinë, ndërsa takimi i paralajmëruar me përfaqësues të shoqërisë civile nuk ka nisur ende.

Takimi është njoftuar të fillojë në 14:30, por aktivistë të Partisë Socialdemokrate ndërmorën një aksion për ta kundërshtuar vizitën, raporton T7.

Në përplasje me policinë, janë arrestuar disa aktivistë të PDK-së, përfshirë kryetarin e kësaj partie, Dardan Molliqaj.

Fillimisht, PSD protestoi, e më pas edhe hodhi tym të zi në drejtim të hyrjes së hotelit ku po qëndron Trendafilova.