Këngëtari i dashur për publikun, Luzi Ejlli, i ka emocionuar të gjithë fansat me performancën e tij në sheshin “Skëndërbej”, për Natën e Bardhë, me këngën më të re titulluar “Frymë” kushtuar të voglës së tij.
Fituesi i edicionit të dytë të “Big Brother VIP” u shoqërua nga bashkëshortja e tij, Kiara Tito, e cila dukej shumë e gëzuar nga reagimi i publikut për këngën kushtuar të voglës së tyre.
“Gëzuar Shqipëri 👐🏻🇦🇱 Ju duam! #proudwifey @itsluizejlli”, ka shkruar moderatorja e njohur bashkëngjitur me një video ku Luizi po këndon këngën “Frymë”.
Ndërsa teksa këtë e ka postuar edhe në “Instastory”, Kiara shkruan:
“Ça emocioni sonte. Akoma se kam marrë veten nga i ftohti, por gjëja më e mirë që sonte isha duke të parë ty!”.
Ndërkohë kujtojmë se disa ditë më parë çifti zbuloi se së shpejti do të bëhet prindër për herë të parë.
Dyshja do të sjellin në jetë një vajzë, ndërsa konfirmuan lajmin e ëmbël përmes projektit më të ri muzikor të Luizit që titullohet “Frymë”, ku në videoklip tregohen me detaje momentet emocionuese të çiftit.
Disa ditë më parë në fshehtësi çifti kanë organizuar një festë me familjarët dhe miqtë e tyre të afërm për të zbuluar gjininë e bebit, ndërsa të gjithë ishin të veshur me të bardha dhe në një ambient të hapur duke shijuar momentin e shumëpritur.
Discussion about this post