Në ditën e Rinisë, kryeministri Edi Rama ka uruar të gjithë të rinjtë, duke ndarë një video me muzikë, kërcim dhe hare. Rama thotë se në vitin 2022, Tirana do të jetë kryeqyteti Europian i Rinisë, si dhe shton se kjo ditë i përket vetëm të rinjve. “Mirëmëngjes dhe me ditën që mbetet e re çdo vit, 8 dhjetori që i dedikohet vetëm të rinjve, e me Tiranën që në 2022-in do të jetë Kryeqyteti Europian i Rinisë, ju uroj një ditë të bukur”, shkruan Rama në rrjetin social Facebook.
Por ajo që bie në sy janë reagimet e shumta të komentuesve të cilët e thumbojnë shefin e qeverisë për këtë status. Ata ironizojnë Ramën, duke i thënë se Tirana është kryeqyteti i pleqve për shkak se mosha e re ka zgjedhur të emigrojë për shkak të kushteve që ofron Shqipëria, duke i rikujtuar edhe njëherë këtij të fundit të gjitha problemet dhe zhgënjimet që populli ka.
Po ku jemi ne 31 vite më pas?!
“ E duam Shqipërinë si Europa”. Tashmë janë mbushur 31 vjet nga ajo klithmë shprese dhe gëzimi. Dhe Shqipëria ka mbetur ende jashtë dyerve të Europës.
Pavarësisht pengesave të mëdha që ka rruga , shqiptarët nuk ndalin së vrapuari drejt ëndërrës së tyre, edhe pse në rrethana të ndryshme. Realiteti vazhdon të jetë i varfër përballë aq shumë ëndrrave dhe pritshmërive dhe rinia shqiptare akoma lufton për të mos i lënë ato thjesht ëndrra në sirtar.
Discussion about this post