Media greke, Protothema.gr, ka analizuar qasjen e ish-kryeministrit Sali Berisha, në lidhje me çështjen Beleri.
Sipas Berishës, Beleri është burgosur padrejtësisht dhe se nuk është vërtetuar nëse ai është fajtor.
Shkrimi i plotë
Ish-kryeministri i vendit, Sali Berisha, ka nisur një tiradë kundër qeverisë së Edi Ramës në një intervistë, duke e cilësuar çështjen Fredi Beleri si të “montuar”. “Kam dokumente të qarta kristal që çështja është montuar dhe se dëshmitari i mbështetur nga prokuroria për tentativë për blerje votash është paguar 7 milionë lekë për shërbimet e tij. E kuptova që në momentin e parë se ishte një provokim i llojit të vjetër policor ndaj tij. Më vonë kam gjetur prova të qarta se në këtë rast janë përfshirë drejtues të lartë policie dhe një informator”, thotë ndër të tjera Sali Berisha.
Duke folur për çështjen Beleri në ethnos.gr, ai tha se është thjesht politik dhe nuk është vërtetuar se kryebashkiaku i sapo zgjedhur është fajtor. “Është një rast që me zhvillimin e tij bie ndesh me Kushtetutën dhe ligjet shqiptare. Drejtësia nuk lidhet me të drejtën e Beleri për të betuar. Prandaj duhet të betohet. Është çështje procedurale dhe ai duhet të lejohet të betohet. Ata e dinë se nuk ka asgjë të keqe me të”.
Në një pjesë tjetër të intervistës së tij, kreu i PD shprehet se në Shqipëri nuk funksionon demokracia. “Jetojmë në një narkodiktaturë tipike të imponuar nga Rama. Pushteti qëndron në duart e një njeriu, Edi Ramës. Dhe çështja Beleri është një provë e prekshme e kësaj”.
Σάλι Μπερίσα για υπόθεση Μπελέρη: Έχω ντοκουμέντα που δείχνουν ότι ο άνθρωπος που οργάνωσε όλο αυτό πήρε 7 εκατ. λεκ – Δεν υπάρχει δημοκρατία στην Αλβανίαhttps://t.co/mLi430CQ79 pic.twitter.com/Wn4Ohl7JNg
— ΕΛΛΑΔΑ 24 (@ellada24) December 5, 2023
Sali Berisha thekson gjithashtu se Edi Rama nuk e lë Fredi Belerin të bëjë betimin “sepse në të kundërt nuk do të mund t’i rrëmbejë pjesën e Himarës fermerëve vendas dhe të ndërtojë parajsën që do”.
Ai vlerëson se zhvillimi i çështjes Beleri mund të ndikojë edhe në marrëdhëniet greko-shqiptare dhe akuzon qeverinë se po përpiqet të heshtë opozitën në parlament, ku Partia Socialiste e Ramës ka shumicën. “Sovraniteti i brendshëm i vendit është i bllokuar sepse Rama nuk dëshiron të hetohet. Duhet të rikthehen të drejtat kushtetuese të opozitës dhe anëtarëve të saj që u shkelën nga shumica e Partisë Socialiste në parlament. Hantington klasifikoi diktaturat. Ai i cilësoi diktaturat e turmave si një nga më të këqijat. Është e vërtetë që Shqipëria është një diktaturë mafioze në këtë kohë. Qytetarët duhet të qëndrojnë të vendosur, sepse diktaturat bien vetëm nga populli”.
Discussion about this post