Ndonëse nuk u prononcua në mënyrë direkte, presidenti Ilir Meta dha mesazhin e tij duke shprehur mbështetjen për lëvizjen e nisur nga ish-kryeministri Sali Berisha.
Nga Qytet Studenti, ku zhvilloi homazhe tek busti i Azem Hajdarit në ndër të kësaj dite, kur u pyet për përplasjen e kuvendeve në PD, Meta tha se është e rëndësishme që demokracia të kthehet në shinat e duhura tani dhe jo më vonë, nisur nga fakti se Kuvendi i Berishës mbahet të shtunën.
“Jam këtu për të kujtuar lëvizjen studentore, në mënyrë të veçantë Azem Hajdarin, i cili pati një rol kyç në ato momente kritike të historisë së Shqipërisë. Është koha që të rikthejmë Shqipërinë në shinat e vërteta të lirisë dhe të të drejtave. Nuk dua që këtë moment ta shfokusoj me çështje të tjera, unë jam në dispozicionin tuaj për çështjet që ju ngritët, përqendrohuni në pozicionin zyrtar që mbajti dje Presidenca. Kam një përshëndetje për të gjithë studentët e tanishëm, ne presim shumë prej tyre, në udhëheqjen e proceseve demokratizuese në Shqipëri. Nuk jam këtu për t’u marrë me çështje të tilla, e rëndësishme është që liria, demokracia të kthehen në shinat e duhura, në fund fare liri-demokraci, jo më vonë por tani”, tha Meta.
Discussion about this post