Dashnor Sula, deputet i PD-së, shprehet se opozita është e vendosur që të ndalë me çdo çmim rrënimin që mazhoranca e Edi Ramës po i bën shqiptarëve. Duke akuzuar mazhorancën se po shkel Kushtetutën, Sula shprehet se PS e Ramës po hedh hapa edhe për intimidimin e deputetëve të opozitës duke ndryshuar rregulloren për të përjashtuar dy muaj deputetët.
Postimi i Dashnor Sulës
33 vite nga shembja e diktaturës, një neodiktaturë është shfaqur si kërcënim serioz i sakrificës së shqiptarëve gjatë vitit të fundit.
Sic e keni parë, mazhoranca refuzon të respektoj kushtetutën. Nuk pranon komisionet hetimore. Nuk do që të hetohen pazaret e bëra me grupet kriminale dhe me kriminelët me kollare në koncesione. Mazhoranca nuk bën transparencë edhe për marrëveshjen me shtetin mik, Italinë.
Marrëveshja nuk flet për të pritur shtetasit italianë, por në Shqipëri do zbarkojnë refugjatë nga vendet e treta, por shqetësimi është në faktin se filtrat për grupet kriminale janë shumë të dobta. Do e kthejë vendin në një strehë për kriminelë potencialë.
Me arrogancë dhe injorancë në të njëjtën kohë miratuan edhe buxhetin për vitin 2024. Kreu i mazhorancës më të lehtë e ka të shkarkojë anëtarët e qeverisë sesa të bëhet transparencë me fondet e IPARD. Bashkimi Europian i ka hetuar abuzimet ndërsa në shqipëri kjo nuk lejohet. Kjo mazhorancë do të emëroj opozitën që do. Kjo në demokraci nuk ndodh.
Por duke mos mjaftuar këto, hedhin hapa edhe për intimidimin e deputetëve të opozitës duke ndryshuar rregulloren për të përjashtuar dy muaj deputetët.
Nëse kjo mazhorancë ka vendosur që ti pijë gjakun shqiptarëve me cdo çmim, edhe ne jemi të vendosur që me cdo çmim ta pengojmë këtë mazhorancë që të rrënojë shqiptarët.
Discussion about this post