Grupi parlamentar i Partisë Socialiste u mblodh mëngjesin e sotëm në një takim ku i pranishëm ishte edhe kryeministri Edi Rama.
Burime nga mbledhja e grupit parlamentar bëjnë te ditur se Rama ka kërkuar prezencën e të gjithë deputetëve në Kuvend.
Rama ka qenë i ashpër me deputetët që mungojnë në Kuvend, për shkak see mezi bëhen numrat në seancë.
Sa i përket qasjes ndaj opozitës, ajo nuk do të ndryshojë, PS do të vijojë të mbajë të njëjtin qëndrim.
Në 14 dhjetor do të votohet ndryshimi i rregullores për të përjashtuar deputetët deri në 60 ditë. Ndryshimi do miratohet pas diskutimit në Këshillin e Mandateve.
Në 14 dhjetor do të votohet edhe marrëveshja me Italinë për refugjatët.
Discussion about this post