Skandal, Ujësjellësi në Lushnjë porosit në tender matëse uji “ngjyrë gri”, që të fitojë firma e privilegjuar

Një tjetër ankesë është depozituar pranë Komisionit të Prokurimeve Publike. Në shkelje është kapur “Ujësjellësi Kanalizimet në Lushnjë”. Një tender me vlerë 12 477 930 Lekë pa TVSH,  është nxjerrë nga “thesari i shtetit” për blerjen e matëseve të ujit.

Kompania e cila ka denoncuar për skualifikimin në mënyrë të paligjshme dhe të padrejtë nga gara është ALPHA SOLUTIONS GROUP shpk.

Që të fitojë firma e privilegjuar, autoriteti i entit rendit 3 kritere për blerjen e matësve të ujit që justifikojnë vlerën për të veçuar nga gara kompaninë. Në raportin e zbardhur dhe dokumentuar nga gijotina.com kriteri që veçohet është që “Trupi i ujëmatësit dhe komponentët duhet të jenë përbërë nga tunxhi (bronzi), gjithashtu të jetë i Iyer nga jashtë me poxy, ngjyre gri.”

Pra 12 milion lekë të reja do të shpenzohen për blerësit e matësve të ujit që do të jenë specifikisht ngjyrë gri. Kriter i cili nuk ka asnjë ndikim mbi cilësinë e këtij produkti dhe ose asnjë ndikim në cilësinë e ujit që kalon në këtë produkt.

Shkeljet

Kompania “Alpha Solution Group” evidentoi në ankesat e saj se është skualifikuar nga gara pasi UKL, në specifikimet e vendosura për ujëmatësat si tek specifikimet tenkike të përgjithshme dhe tek ato metrologjike ka vendosur kërkesa të cilat në mënyrë të qartë janë diskriminuese, pengojnë konkurencën e lirë dhe të ndershme për këtë procedurë.

Mes kritereve më “qesharake” për tu pranuar në garë është që grupi i ujëmatësit të jetë i Iyer  nga jashtë me epoxy, ngjyrë gri.

Ky specifikim është ne kundërshtim me LPP-në sepse përjashton nga konkurimi operatorët ekonomikë të cilët kërkojnë të marrin pjesë me një matës që mund të ketë ngjyrë tjetër ose mund të mos jetë i Iyer fare.

Por në argumentet e saj, kompania thekson se kërkesa që ujëmatësi të jetë i parapërgatitur për transmetues Reed Impulse Emitter, gjithashtu dhe për modul M-BUS, sipas kompanisë është e pavend dhe e gabuar pasi nuk ka asnjë kompani prodhuese që të mundësojë që ujëmatësi të ketë të dyja sistemet.

Njëkohësisht, ujëmatësit e prodhuar nga cilado kompani në bazë do të ketë ose njerin ose tjetrin sistem.

Ndër të tjera një tjetër argument nga kompania kundërshton kriterin e xhamit mbrojtës të vendosur nga UKL-ja, është se xhami ka vetëm efekt transparence ne leximin e vlerave te tij. E për këtë arsye kompania kërkon që ky kriter ekstra që pengon konkurencënn e lire dhe ngushton së tepërmi numrin e operatorëve ekonomikë të hiqet.

Kështu, argumentet e mësipërme tregojnë se UKL ka skualfikur pa të drejtë nga gara “Alpha Solution Group” SHPK, duke shkelur ligjin për prokurimet.