Fico dhe Balla, dhuratë 10 mln € Nikolin Jakës për të blerë reçel

Nikolin Jaka e ka kapur prej ‘fyti’ sektorin e Shëndetësisë dhe nuk ka lënë projekt pa vjedhur! Gijotina.com ka denoncuar disa tenderë të tij në QSUT, Spitali i Traumës dhe Sanatoriumi përgjatë këtij viti. Meqenëse jemi në prag festash, Jaka e ka zgjedhur vetë dhuratën që do të marrë nga ‘Babagjyshi i Rilindjes’. Jo ndonjë gjë të madhe 10 milionë euro ka qenë dëshira e kësaj radhë e tij!

Sigurisht që babagjyshi këto para do t’i mbledh nga populli shqiptar me ‘hir a me pa hir’, të cilët minimumi as ushqim të shëndetshëm nuk gjejnë kur shtrohen në këto spitale.  Por, me rëndësi për oligarkët ka tenderi që mban objektin  “Shërbim gatimi dhe shpërndarje ushqimi”, për Qendrën Spitalore Universitare “Nënë Tereza” me fond limit 10 milionë euro.

Red Flag

Ky tender është shpallur në fund tetori dhe më datë 13 nëntor pasi është mbyllur gara është shpallur menjëherë fituesi, firma “KPL” SHPK  ose ish- “So. RI”  e cila fiktivisht regjistrohet në pronësi të Ramazan Troka, por themeluesit dhe pronarët e vërtetë janë Alma Tafani dhe Nikolin Jaka.

Kjo kompani ka garuar me veten e saj sepse nuk ka patur përballë asnjë konkurrent tjetër.

Shto këtu edhe faktin që kishte një oferta sa 100% e fondit limit. Fakte që duhej të ishin bërë shkak për anulimin e kësaj procedure. Por, Autoriteti Kontraktor që ishte Agjencia e Blerjeve të Përqendruar në varësi të Ministrisë së Brendshme dhe Drejtoresha e  QSUT, Albana Fico zgjodhën t’i bënin dhuratë këtë tender me vlerë 10 milionë euro.

Madje për disa javë e mbajtën të fshehtë kontratën dhe kanë publikuar në muajin dhjetor.  Po Jaka dhe ish-bashkëshortja e tij Alma Tafani vazhdojnë bashkëpunimet për afera dhe kjo nuk është hera  e parë që fitojnë në mënyrë të pa drejtë një tender në shëndetësi. Në tenderin 10 milionë euro të Spitalit “Nënë Tereza” Tiranë ka marrë pjesë vetëm firma “AGS”, ku administratore është Alma Tafani, bashkëshortja e Nikolin Jakës.

Kjo firmë ka ofruar 99 % të fondit limit.

Sipas dokumenteve të publikuara në datën 22 qershor 2023 në Agjencinë e Prokurimit Publik, është bërë shpallja e fituesit të tenderit me objekt “shërbim lavanderie për Qendrën Spitalore Universitare Nënë Tereza”, me afat të marrëveshjes kuadër 48 muaj dhe me fond të marrëveshjes kuadër 1,084,945,722 lekë pa TVSH.

Ndërkohë, më datë 13 tetor Gijotina.com ka denoncuar tenderin me objekt “Shërbim gatimi dhe shpërndarje ushqimi për Spitalin Universitar “Shefqet Ndroqi” Burimi i financimit: Buxheti i Shtetit. Super tenderi me një fond limit prej 3 miliardë lekësh të fituar nga firma “SORI-AL” SHPK, e themeluar nga NIkolin Jaka dhe tashmë ka kaluar në emër të Alma Tafanit.

Edhe në këtë tender Jaka dhe Tafani konkurruan të vetëm, ku duket qartë që në këto projekte ata kanë qenë të përcaktuar më parë si fitues nga Taulant Balla dhe Albana Fico.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.